Stop Poaching

Stop Poachers

To Save the Life and Generation of Elephants in Tanzania

https://www.causes.com/campaigns/64178-stop-poachers

TANZANIA KUSAMBAZA JESHI, MASHAMBULIZI DHIDI YA KAMPENI YA UJANGILI

TANZANIA INACHUKUA HATUA KUPAMBANA NA UJANGILI ULIOIBUKA WA TEMBO NA VIFARU KWA KUSAMBAZA WATUMISHI WA JESHI NA KAMERA ZENYE UWEZO WA KUCHUKUA PICHA KUTOKA MBALI KUSHUGHULIKIA OPERESHENI DHIDI YA UJANGILI.

• 
  Askari wa Nepali akijiandaa kuzindua mfuko wa kusaidia mapambano dhidi ya wanyama pori duniani, kundi la ndege za kupiga picha kutoka angani zisizokuwa na marubani zinazotumiwa kupambana na ujangili dhidi ya tembo, vifaru na chui mwenye milia huko Nepali. [Mreedu Gyawali/WWF Nepali]
• 
  Tembo wakipita kwenye hifadhi ya wanyama pori ya Serengeti huko kaskazini mwa Tanzania Oktoba 2010. [Tony Karumba/AFP]

Makala zinazohusiana

• Watetezi wa hifadhi wa Kenya washinikiza sheria kali dhidi ya ujangili

Kwa mujibu wa Taasisi ya Utafiti ya Wanyamampori Tanzania, ujangili umepunguza kwa kiasi kikubwa jamii ya tembo kuwa wachache kuliko 70,000 mwaka 2012 kutoka kwenye kiasi takribani 109,000 mwaka 2009.

Hasira miongoni mwa watunga sheria kuhusu kuongezeka kwa ujangili, Waziri wa Maliasili na Utalii Khamis Sued Kagasheki aliliambia bunge Alhamisi (tarehe 2 Mei) kwamba rais Kikwete aliidhinisha kusambazwa kwa vikosi vya jeshi kwa ajili ya operesheni dhidi ya ujangili.

“Rais alitoa agizo,” Kagasheki aliliambia bunge. “Nimezungumza na waziri wa Ulinzi na Jeshi la Kujenga Taifa [Shamsi Vuai Nahodha] na tuko katika hatua za mwisho. Sisemi ni lini, lakini tutafanya kitu ambacho kitakumbukwa na kizazi kijacho.”

Hii ni mara ya pili kwa jeshi kusaidia dhidi ya ujangili, Mwaka 1989, “Operesheni Uhai” ilisaidia jamii ya tembo kuongezeka tena baada ya kupungua hadi kufikia 30,000, ambapo walikuwa takribani 110,000 mwaka 1976.

Wabunge wapokea kwa furaha uamuzi

Mbunge wa upinzani Peter Msigwa alisema anaunga mkono uamuzi wa rais kupeleka vikosi kupambana na majangili, lakini alisema serikali ilipaswa kuwa imechukua hatua hii miaka mitano iliyopita.

“Mwaka 2008, tatizo la ujangili lilikuwa kubwa kama ilivyo sasa,” aliiambia Sabahi. “Kilio cha wananchi kusambaza jeshi kilikuwa kikubwa, lakini serikali haikutaka kutusikiliza.”

Nchi zinapaswa kuungana kusimamisha biashara hii haramu kidunia ya “pembe za ndovu”, alisema, kwani biashara hii haramu inakua kwa haraka kwa gharama ya maliasili za Tanzania.

Kabla ya bunge Ijumaa, Gosbert Blandes, mbunge anayewakilisha jimbo la Karagwe, alisema operesheni ya jeshi iliyopendekezwa inapaswa kuanza mara moja.

“Ninataka waziri aseme sasa hivi ni lini operesheni hii inaanza? Nini tunachoficha? Inapaswa kuanza mara moja na si kinyume chake,” alisema.

Kagasheki alikataa kutoa maelezo zaidi kuhusu mipango ya jeshi, akisema kwamba kufichua maelezo yote kunaweza kuishia kuwasaidia majangili. Hata hivyo, alisema inaweza kuanza “hivi karibuni” na kwamba safari hii wanajeshi wanaweza kutumia vifaa vya kisasa ili kusaidia kuwavamia majangili.

Kiongozi wa upinzani Freeman Mbowe alisema aliridhishwa na kusudi la serikali kutumia jeshi kukabiliana na ujangili, lakini alisema serikali inapaswa kuongeza jitihada.

“Kama hatua za kuzuia, tunapaswa kubadilisha sheria zetu ili zieleze wazi kwamba yeyote atakayekamatwa akijihusisha na ujangili anapaswa kuhukumiwa kifo,” aliiambia Sabahi.

Mashambulizi kufuatilia mbuga za wanyama

Msemaji wa Mbuga za Wanyama Tanzania Pascal Shelutete alisema huduma za mbuga zitatumia mashambulizi — ndege ndogo zisizokuwa na marubani, zinazodhibitiwa kwa mbali na zenye kamera — kufuatilia nani anayeingia mbugani.

“Ni aina ya kamera zilizoboreshwa za televisheni, ambazo zitawezesha ufuatiliaji katika mbuga zote kwa saa 24,” Shelutete aliiambia Sabahi, akiongeza kwamba kamera zimeunganishwa katika kompyuta kupitia satelaiti.

Miradi kama hiyo imefanyika duniani kote. Mfuko wa Hifadhi ya Wanyamapori Duniani una kundi la ndege zisizokuwa na marubani, ambazo zimewasaidia kuhifadhi tembo, faru na chui wa Nepali.

Aidha, miradi katika hifadhi nyingine za wanyamapori za Afrika imetolewa na Mfuko wa Kimataifa wa Kuzuia Ujangili (IAPF), ambayo inasaidia mfuko katika upatikanaji wa washambuliaji kwa ajili ya jitihada za hifadhi.

“Tunapigana vita dhidi ya majangili wenye silaha na waliojiandaa vya kutosha,” IAPF ilieleza katika tovuti yake. “Katika muktadha wa kupunguza ujangili katika mazingira hatari, [ndege zisizokuwa na marubani] zinaweza kufika sehemu pana, kwa usalama zaidi na kuleta suluhisho la gharama nafuu, na kuwaruhusu waangalizi wa mbuga kufuatilia eneo kubwa zaidi la ardhi huku wakipunguza kuonekana kwao kwa majangili hatari na wenye silaha.”

Naibu waziri wa Maliasili na Utalii Tanzania Lazaro Nyalandu aliwaomba wananchi kuunga mkono jitihada dhidi ya majangili kwa kutoa taarifa katika mamlaka zinazohusika kwa kitu chochote watakachoona au kusikia kikihisishwa na ujangili.

“Serikali haiwezi kupigana vita ya ujangili ikiwa peke yake. Tunatakiwa kushirikiana kama Watanzania kupambana na majangili kama njia ya kutunza maliasili zetu,” alisema akilihutubia bunge siku ya Ijumaa. “Tujengeni tabia ya kuripoti kitu chochote tunachoona kinahatarisha tembo wetu, faru na maliasili nyingine zote.”

Matokeo kidato cha sita yatoka

Naibu Katibu Mtendaji wa Necta, Dk Charles MsondeNaibu Katibu Mtendaji wa Necta, Dk Charles Msonde UFAULU katika mitihani ya Taifa ya kidato cha sita uliofanyika Februari mwaka huu umeongezeka ikilinganishwa na wa mwaka jana. Hayo yamebainika baada ya Baraza la Mitihani la Taifa (NECTA) kutangaza matokeo hayo likionesha kuwa wanafunzi 44,366 sawa na asilimia 87.85 kati ya 50,579 waliofanya mitihani hiyo wamefaulu huku 2,604 wakipata daraja sifuri. Kati ya waliofaulu, wasichana ni 14, 622 na wavulana 29,744. Kulingana na matokeo hayo yaliyotangazwa jana na Naibu Katibu Mtendaji wa Necta, Dk Charles Msonde, shule ya wasichana ya Marian ya Pwani imeongoza kitaifa huku shule za Green Acres, Mzizima na St Maryâ zote za Dar es Salaam zikiwa kwenye shule 10 za mwisho kitaifa. Akizungumzia matokeo hayo, Dk Msonde alisema mwaka huu ufaulu umeongezeka kwa asilimia 0.20 ukilinganishwa na wa mwaka jana ambapo wanafunzi 46,658 sawa na asilimia 87.65 walifaulu huku mwaka 2011 waliofaulu wakiwa ni asilimia 87.24. Alisema watahiniwa wa shule waliofaulu ni 40,242 sawa na asilimia 93.92, wa kujitegemea 4,124 sawa na asilimia 53.87 ambao imeonekana hawakufanya vizuri ikilinganishwa na wa mwaka jana ambapo waliofaulu walikuwa ni asilimia 64.96. Aliongeza kuwa jumla ya watahiniwa 52,513 walijiandikisha kufanya mitihani hiyo na kati yao watahiniwa 50,611 sawa na asilimia 96.38 walifanya huku 1,902 sawa na asilimia 3.62 hawakufanya kutokana na sababu mbalimbali. Akizungumzia ubora wa ufaulu kulingana na madaraja kwa watahiniwa wa shule, Dk Msonde alisema watahiniwa 35,880 sawa na asilimia 83.74 wamefaulu daraja la kwanza hadi la tatu, wasichana wakiwa 12, 108 sawa na asilimia 87.30 na wavulana 23, 772 sawa na asilimia 82.04. Alisema wanafunzi 325 walipata daraja la kwanza, 5,372 daraja la pili, 30,183 la tatu, 4,362 la nne na 2,604 daraja la sifuri. “Ufaulu wa masomo kwa watahiniwa wa shule unaonesha kuwa masomo ya Historia, Jiografia, Kiingereza, Kemia, Biolojia, Kilimo, Sayansi ya Kompyuta, Uchumi na Uhasibu yalifanyika vizuri ikilinganishwa na mwaka jana,” alisema Dk Msonde. Kumi Bora, Mbaya Alitaja shule zilizofanya vizuri kwa kundi la watahiniwa zaidi ya 30 kuwa ni Marian (Pwani), Mzumbe (Morogoro), Feza Wavulana (Dar es Salaam), Ilboru na Kisimiri (Arusha), St Maryâs Mazinde Juu (Tanga), Tabora Wasichana (Tabora), Igowole (Iringa), Kibaha (Pwani) na Kifungilo (Tanga). Kundi la shule 10 zilizofanya vibaya ni Pemba Islamic College (Pemba), Mazizini (Unguja), Bariadi (Simiyu), Hamani, Dunga, Lumumba (Unguja), Oswald Mangâombe (Mara), Green Acres (Dar), High View International na Mwanakwerekwe (Unguja). Dk Msonde alisema kundi la shule zenye watahiniwa chini ya 30, zilizofanya vizuri ni Palloti Wasichana (Singida), St. James Seminary, Parane, Sangiti (Kilimanjaro), Itamba (Njombe), Masama Wasichana (Kilimanjaro), Kibara (Mara), St. Luise Seminary (Morogoro) na Peramiho Wasichana (Ruvuma). Alisema katika kundi hilo, shule zilizofanya vibaya ni Mbarali Preparatory na Philter Federal (Unguja), St. Mary na Mzizima (Dar es Salaam), Hijra Seminary (Dodoma), Tweyambe (Kagera), Mpapa na Al-Falaah Muslim (Unguja), Presbyterian Seminary (Morogoro) na Nianjema (Pwani). Wanafunzi ‘vichwa’ Akizungumzia watahiniwa waliofanya vizuri katika masomo bila kujumuisha masomo ya hiari kwa waliosoma Sayansi ni Erasmi Inyanse (Ilboru-PCM), Maige Majuto (Kisimiri-PCM), Gasper Mungâo (Feza Wavulana – PCB), Gasper Setus (St. James Seminary-PCM), Lucylight Mallya (Marian Girls-PCB). Alisema kwa wanafunzi waliofanya vizuri kwenye masomo ya Biashara ni Eric Mulogo (Tusiime), Aliacia Filbert (Nganza), Evart Edward (Kibaha), Annastazia Renatus (Tambaza) na Peterson Meena (Mbezi Beach). Msonde alitaja waliofanya vizuri kwenye masomo ya Lugha na Sayansi Jamii kuwa ni Asia Mti (Barbro-Johansson), Godlove Ngowo (Majengo), Johnson Macha (Njombe), Hamis Mwita (Ilboru) na Sia Sandi (Marian Wasichana). Matokeo yazuiwa Aidha, Msonde alisema Baraza limezuia matokeo ya wanafunzi 89 wa shule ambao hawajalipa ada ya mtihani, wanafunzi 10 ambao walipata matatizo ya kiafya na kushindwa kufanya baadhi ya mitihani na 17 kwa kushindwa kufanya mitihani yote kutokana na ugonjwa. “Wanafunzi hawa 27 tumewapa nafasi ya kufanya mitihani yao mwakani, wale ambao hawakufanya baadhi ya mitihani watafanya ile tu ambayo hawakuifanya na 17 ambao hawakufanya kabisa watafanya wote. Dk Msonde alisema Baraza pia limefutia matokeo wanafunzi wanne; mmoja akiwa wa shule na watatu wa kujitegemea kutokana na udanganyifu,alisema.